Быйыл Өзбекстандан Кыргызстанга 107 тонна лимон экспорттолгон

Январь-сентябрь айларында Өзбекстан Кыргызстандын базарларына 107 тонна лимон экспорттогон. Бул тууралуу Өзбекстандын Статистика комитети жазды.

Маалыматка караганда, быйыл тогуз айда Өзбекстан жалпы 2 миң 282 тонна лимонду сыртка саткан, киреше 3,8 миллион долларды түзгөн.

Эң көп лимон Россия (1 миң 239 тонна) жана Казакстан (930 тонна) рынокторуна жөнөтүлгөн. Кыргызстандын үлүшү – 107 тонна лимон, Бириккен Араб Эмираттарына 2,9 тонна, ал эми башка өлкөлөргө 3,6 тонна жеткирилген.