Кыргызстанда өнөр жай тармагы 10 айда 595 млрд сомдук продукция чыгарган

2025-жылдын январь-октябрь айларында Кыргызстандын өнөр жайы 595 млрд сомдук дүң продукция чыгарды. Бул көрсөткүч өткөн жылдын ушул мезгилине салыштырмалуу 9,8%га өстү. Алтын кендерин эсепке албаганда, өнөр жай өндүрүшү 21,03%га көбөйгөн. Бул тууралуу Экономика жана коммерция министрлигинен билдиришти.

Өсүш негизинен төмөнкү секторлордо катталды:

• Фармацевтика: 2,0 эсеге өсүү;
• Тамак-аш азыктары жана тамеки: 33,6%га;
• Резина, пластмасса буюмдары жана курулуш материалдары: 33,8%га;
• Жыгач жана кагаз, полиграфиялык продукция: 29,4%га;
• Химиялык продукциялар: 19,6%га;
• Текстиль жана кийим-кече: 9,4%га;
• Пайдалы кендерди казуу: 17,1%га.

Бирок негизги металл өндүрүү көлөмү 3,8%га төмөндөгөн.

Энергетика секторунда электр энергия өндүрүү 10,3%га, ал эми суу менен камсыздоо жана кайра иштетүү тармагы 24,3%га өскөн.

Өнөр жай өндүрүшүнүн ИДПга кошкон салымы 1,64%дык пункт, ал эми ИДПнын түзүмүндө өнөр жай тармагынын үлүшү 17,6% түздү.

Бул маалыматтар өлкөдө өндүрүштүн бардык тармактары боюнча туруктуу жана тез өсүү байкалганын, экономиканын ар тараптуу өнүгүп жатканын көрсөтүүдө.