Россияда мигранттарды кабыл алууну чектей турган мыйзам кабыл алынды
Россия президенти Владимир Путин чет өлкөлүк жумушчулар менен эмгек келишимин токтотуу негиздерин кеңейте турган мыйзамга кол койгону маалым болду.
Эми жумуш берүүчүлөр жумуш орундарына болгон аймактык лимиттен ашкан учурда эмгек келишимин токтото алышат. Бул документ менен Россия Федерациясынын Эмгек кодексинин 327.6-беренесине өзгөртүүлөр кирет. Мыйзам 2026-жылдын 1-мартында күчүнө кирет.
Бул демилге Мамдумага “Жаңы адамдар” фракциясынын депутаттары тарабынан киргизилген. Алардын айтымдарында, бул кызматтан кеткен кызматкерлер менен болгон соттук териштирүүлөр тобокелдигин азайтат.
Эске салсак, 2014-жылдан тарта Россия субъектилери чет өлколүк жумушчуларды тартууга бир жылдык лимитти бекитүү укугуна ээ болушкан. Ишканалар мындай учурда мигранттардын кыскартуулары керек. Бул аткарылбаса алар 800 миңден 1 млн рублге чейин айып пул төлөшөт же эки жумага иши токтотулат.
