Экономика

Өлкөдө "жашыл" долбоорлорду аныктоонун жаңы системасы түзүлүп жатат

Ишкер Media

08 дек. 2025 16:49

Экономика жана коммерция министрлигинде "Көмүр кычкыл газынын чыгаруусун кыскартуу боюнча тандалган чараларды бекемдөө" долбоорунун алкагында жашыл таксономия боюнча эки күндүк семинар өттү. Долбоор Германиянын Экономикалык кызматташтык жана өнүктүрүү федералдык министрлигинин (BMZ) тапшырмасы менен GIZ тарабынан ишке ашырылууда. Бул тууралуу ведомстводон билдиришти.

Семинарды Экономика жана коммерция министринин орун басары Медербек Туманов жана GIZдин "Борбор Азиядагы соода процедураларын жөнөкөйлөтүү" долбоорунун жетекчиси Юдит Бланк ачып, жашыл таксономиянын парник газдарын азайтууда жана туруктуу каржылоону өнүктүрүүдө маанилүү инструмент экенин белгилешти.

Иш-чарага мамлекеттин негизги мекемелеринин өкүлдөрү – Экономика жана коммерция министрлиги, Улуттук банк, Бажы жана Салык кызматтары, Жаратылыш ресурстары министрлиги, Статистика комитети, ошондой эле банктык жана микрофинансылык секторлор, ишкердик ассоциациялар, импорттоочу компаниялар жана эл аралык уюмдар — жалпы 30дан ашык катышуучу катышты.

Эки күндүк талкууда жашыл таксономияларды колдонуу боюнча эл аралык жана регионалдык тажрыйбалар сунушталып, Кыргызстан үчүн улуттук ыкманы иштеп чыгуу мүмкүнчүлүктөрү каралды. Ошондой эле таксономияны пландаштыруу, статистика, банк сектору, салык жана бажы тармактарына интеграциялоонун перспективалары талкууланды.

Семинар жыйынтыгында катышуучулар жашыл таксономияны улуттук деңгээлде ишке киргизүү боюнча бир катар сунуштарды даярдашты.

Мындан тышкары окуңуз

Президент жарандык берүү жана жарандыктан чыгуу боюнча жарлыктарга кол койду

Президент Садыр Жапаров Кыргыз Республикасынын жарандыгына кабыл алуу, жарандыктан чыгуу жана Кыргыз Республикасынын жарандыгын жоготуу жөнүндө жарлыктарга кол койду. Бул тууралуу Президенттин администрациясынын басма сөз кызматынан билдиришти. Президенттин администрациясынын маалыматына ылайык, жарандык алган адамдардын арасында тарыхый мекенине кайтып келген этникалык кыргыздар басымдуулук кылат. Ошондой эле мурда Кыргызстандын жарандыгынан чыгып, учурда

Быйыл Бишкек инфраструктурасын өнүктүрүүгө 611,2 млн сом бөлүнгөн

Быйыл Бишкек шаарында 64 инфраструктуралык объектти ишке ашырууга 611,2 миллион сом каралган. Бул тууралуу борбор калаанын 2026-жылдын биринчи жарым жылдыгынын жыйынтыктарына арналган коллегиялык жыйында маалымдалды. Маалыматка ылайык, 2026-жылдын маанилүү окуяларынын бири Бишкек шаарынын 2050-жылга чейинки Башкы планынын бекитилиши болду. Документ борбор калааны алдыдагы 25 жылда өнүктүрүүнүн

Караколдо жаңыланган Пушкин сейил багы пайдаланууга берилди

Каракол шаарындагы А.С. Пушкин атындагы борбордук сейил бак реконструкциядан кийин пайдаланууга берилди. Жаңыланган эс алуу жайынын ачылыш аземине Министрлер Кабинетинин төрагасы Адылбек Касымалиев катышты. Бул тууралуу Курулуш министрлигинен билдиришти. Кечээ Каракол шаарындагы А.С. Пушкин атындагы борбордук сейил бак реконструкциядан кийин расмий түрдө пайдаланууга берилди. Ачылыш аземине Министрлер Кабинетинин

Бишкектеги эки мектеп жаңыланып, заманбап спорт аянтчалары курулууда

Бишкек шаарынын мэри Айбек Жунушалиев №58 жана №112 мектептерде жүргүзүлүп жаткан курулуш жана оңдоо иштеринин жүрүшү менен жеринен таанышты. Мэриянын маалыматына ылайык, №58 мектептин аймагында кичи футбол жана баскетбол аянтчалары, воркаут жана балдар аянтчалары курулууда. Ошондой эле тышкы жарыктандыруу орнотулуп, чуркоо жолдору, пандустар жана отургучтар коюлат. Мындан тышкары, тротуарлар менен