Кыргызстан ИКУ өлкөлөрүнүн арасында экономикалык өсүш боюнча алдыңкы бештикке кирди
Түркиянын Стамбул шаарында Ислам кызматташтык уюмунун (ИКУ) Экономикалык жана соода кызматташтыгы боюнча туруктуу комитетинин (КОМСЕК) министрлер деңгээлиндеги 42-жыйыны өттү. Бул тууралуу КРнын Экономика жана коммерция министрлигинен билдирди.
Билдирүүгө караганда, жыйын 31-октябрдан 3-ноябрга чейин болуп, ага Кыргызстандын Түркиядагы соода өкүлү Чыңгыз Эсенгул уулу да катышты.
Жыйында Ислам өлкөлөрүнүн статистикалык, экономикалык жана социалдык изилдөөлөр жана окутуу борбору (SESRIC) тарабынан сунушталган экономикалык маалыматтарга ылайык, 2025-жылы Кыргызстандын ички дүң продукциясынын (ИДП) реалдуу өсүшү 11,1 пайызды түзгөн.
Бул көрсөткүч боюнча Кыргызстан ИКУга мүчө 57 өлкөнүн ичинен алдыңкы бештикке кирген.
Жыйында мүчө мамлекеттердин ортосундагы соода жүгүртүүнүн көлөмүн көбөйтүү, инвестициялык кызматташтыкты өнүктүрүү, экспортту диверсификациялоо жана экономикалык байланыштарды чыңдоо маселелери талкууланды.
Күндүн негизги жаңылыктары — Telegram каналыбызда
Каналга катталуу
