Жерүй кенинен 9 айда мамлекеттик казынага 20 млрд сом түшкөн

Талас облусундагы Жерүй алтын кенин иштеткен "Альянс Алтын" компаниясы 2026-жылдын тогуз айында мамлекеттик казынага 20 млрд сом которгон. Бул тууралуу мамлекет башчысы Садыр Жапаров 3-ноябрда Талас облусунун тургундары менен жолугушууда айтты.

Маалыматка ылайык, ишканада 1000ге жакын адам эмгектенет. Алардын басымдуу бөлүгү Талас облусунун тургундары.

Ошондой эле 2021-жылдан бери компания жергиликтүү өнүктүрүү фонддоруна 3,5 млрд сомдон ашык каражат которгон.

Мындан тышкары, өлкө башчысы мамлекет Талды-Булак, Андаш жана Бала-Чычкан кендерин өз күчү менен иштетүүнү пландап жатканын белгиледи.