Иш издесең 1221 номерине чал
Эмгек, социалдык камсыздоо жана миграция министрлиги 2026-жылдан тарта ишкерлерге https://jumush.gov.kg порталына Кыргызстандын аймагында жаңы түзүлгөн же бош турган ар бир жумуш орду тууралуу маалымат жайгаштыруу мүмкүнчүлүгүн берерин 24.kg агенттигине ведомствонун басма сөз кызматы билдирди.
Маалыматка ылайык, жумуш издеп жүргөн жарандар аталган портал аркылуу бош жумуш орундар тууралуу, коюлган талаптар, эмгек акынын өлчөмү жөнүндө маалыматтарды алып, түздөн-түз иш берүүчүгө кайрыла алышат.
Мындан тышкары, 1221 кыска номери аркылуу бош жумуш орундар жана иш менен камсыз кылууга көмөк көрсөтүү чаралары тууралуу маалымат алууга болот.
Ал эми 1899 номери аркылуу тышкы миграция маселелери боюнча консультация берүү каралган.
Белгилей кетсек, бүгүн Элдик курултайда Россиядан келген делегат Кубанычбек Осмонбетов мигранттардын мекенине кайта албай жатышынын себеби шарттардын жоктугу экенин билдирди.
