Оштун Толман айылында 75 орундуу бала бакча курулууда

Ош облусунун Ноокат районундагы Толман айылында 75 орундуу жаңы бала бакча курулууда.

Курулуш министрлигинен объекттин курулушу республикалык бюджеттин эсебинен каржыланып жатканын билдирди.

Маалыматка караганда, долбоордун жалпы наркы 69 миллион сомду түзөт.

Долбоорго ылайык, имараттын жалпы аянты 1105 чарчы метрди түзүп, бала бакча бир кабаттуу болуп курулууда. Анда бөбөктөрдүн тарбияланып, билим алуусу үчүн бардык зарыл шарттар каралат.

Объекттин курулуш иштери 2025-жылдын октябрь айында башталган. Учурда имараттын дубалы тургузулуп, чатырын жабуу иштери башталды.