Экономика

Казакстандын Сенаты Ысык-Көлдөгү объектилер боюнча макулдашууну ратификациялады

Ишкер Media

12 февр. 2026 15:00

Казакстандын Сенаты Ысык-Көлдөгү казакстандык объектилерге менчик укуктарын жөнгө салуу жана жер тилкелерин ижарага алуу боюнча Кыргызстан менен түзүлгөн макулдашууну ратификациялады. Бул тууралуу Казакстан парламентинин жогорку палатасынын аппарат жетекчиси Максим Споткай билдирди.

Анын айтымында, документтер Ысык-Көл облусундагы казакстандык курорттук-рекреациялык объектилердин ишмердүүлүгү үчүн бирдиктүү укуктук негизди түзөт. Тактап айтканда, объектилерге менчик укугун бекемдөө жана алардын алдындагы жер тилкелерин ижарага тариздөө каралган.

Документтер төмөнкүлөрдү карайт:

Казакстандын менчигине төрт объект бекитилет: "Казакстан" санаторийи, "Самал" эс алуу үйү, "Университет" спорттук-ден соолукту чыңдоо лагери жана "Олимп" спорттук-ден соолукту чыңдоо борбору;
жер тилкелери 49 жылга ижарага берилет, жалпы аянты — 58,8 гектар;
объектилерди (бир базадан тышкары) 3–4 жылдыздуу мейманканалардын деңгээлине чейин модернизациялоо милдеттенмеси 2029-жылдын аягына чейин узартылат жана жыл бою иштөө режими каралат;
кыргыз тарап объектилер максаттуу пайдаланылган шартта аларды алып коюу чараларын көрбөөгө кепилдик берет.

Депутат Нурия Ниязованын айтымында, макулдашуу инвесторлорду тартуу мүмкүнчүлүгүн да карайт. Учурда Казакстандын Туризм жана спорт министрлиги долбоордук-сметалык документацияны жана инвестициялык келишимдердин долбоорлорун даярдоодо.

Эске салсак, 2025-жылдын декабрында макулдашуу Казакстандын Мажилисинде ратификациядан өткөн. Ал эми 2025-жылдын 27-майында Кыргызстандын президенти ушул эле объектилер боюнча Казакстан менен түзүлгөн эки протоколду ратификациялоо тууралуу мыйзамга кол койгон. Муну менен кыргыз тарап ички мамлекеттик процедураларды аяктаган.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.