Экономика

Эки өлкө ортосунда логистикалык комплекс куруу талкууланды

Мелис Совет уулу

13 фев 2026 16:05

Тышкы иштер министри Жээнбек Кулубаев Бишкек шаарына расмий сапар менен келген Казакстандын тышкы иштер министри Ермек Кошербаев менен сүйлөшүүлөрдү өткөрдү.

Тараптар мамлекет жана өкмөт башчылары тарабынан өлкөлөр ортосундагы Жогорку мамлекеттер аралык кеңештин 7-жыйынында жана өкмөттөр аралык кеңештин 13-жыйынында жетишилген макулдашууларды ишке ашырууга өзгөчө көңүл бурушту.

Министрлер эки өлкөнүн чек арасындагы индустриалдык соода-логистикалык комплексин куруу, Алматы облусунда мөмө-жемиштерди жана жашылчаларды сактоого арналган дүң бөлүштүрүү борборун түзүү, Ысык-Көл – Алматы альтернативдүү автожолун салуу, ошондой эле кыргыз-казак мамлекеттик чек арасындагы өткөрмө пункттарды жана көпүрөлөрдү модернизациялоо сыяктуу маанилүү долбоорлорду ишке ашыруу маселелерин карап чыгышты.

Инфраструктуралык өнүгүү менен катар, тараптар айыл чарба тармагында жана өнөр жай кооперациясында аймактар аралык кызматташтыктын толук пайдаланылбай жаткан мүмкүнчүлүктөрү бар экенин белгилешти. Ушуга байланыштуу учурдагы перспективаларды изилдеп чыгуу боюнча макулдашууга жетишилди.

Мындан тышкары, тараптар билим берүү, саламаттык сактоо жана жаштар саясаты тармактарындагы демилгелер аркылуу маданий-гуманитардык байланыштарды кеңейтүүгө берилгендигин билдиришти.

Жолугушуунун соңунда министр Жээнбек Кулубаев казакстандык тарапты алдыда өтө турган VI Дүйнөлүк көчмөндөр оюндарына активдүү катышууга чакырды.

Мындан тышкары окуңуз

Туроператорлорго Шакиранын концертине 5% жеңилдик берилет

Туризмди өнүктүрүү боюнча мамлекеттик агенттиктин директору Эдуард Кубатов Шакиранын концертине байланыштуу туристтик операторлор үчүн түзүлгөн шарттар тууралуу маалымат берди. Анын айтымында, туристтик бизнес өкүлдөрү үчүн концертке билеттерди сатып алууда 5%га чейин жеңилдик каралган. Мындан тышкары, уюштурулган туристтик топторду "Ала-Арча" жаратылыш паркындагы мейманкана комплекстерине жайгаштыруу мүмкүнчүлүгү түзүлдү.

Жапаров Баткенди өнүктүрүү долбоорлору менен таанышты

Өлкө башчысы Садыр Жапаров 11-октябрда Баткен жана Ош облустарына иш сапарынын алкагында Баткен районунун жана Баткен шаарынын өнүгүү долбоорлору менен таанышты. Бул тууралуу президенттин администрациясы кабарлады. Баткен районунун акими Данир Иманалиевдин маалыматы боюнча, курулуш тармагында жалпы наркы 1 млрд 380 млн сомдук 69 объект ишке берилген: 12 мектеп, 13

Ысык-Көлдөн 70 кг таштанды чыгарылды

11-октябрда Ысык-Көлдүн акваториясында өткөрүлгөн рейдде 4 300 метр эски синтетикалык тор жана 70 килограмм таштанды чыгарылды. Бул тууралуу Жаратылыш ресурстары министрлиги билдирди. Билдирүүгө караганда, рейдди министрликтин Ысык-Көл регионалдык башкармалыгы президенттин 2022-жылдын 26-апрелиндеги №131 Жарлыгын аткаруу максатында жүргүзгөн. Адистердин айтымында, мындай торлор көлдөгү жаныбарлар дүйнөсүнө, балыктардын

Түрк мамлекеттер уюмунун бажы кызматтарынын жетекчилеринин 15-жыйыны

10-октябрда Бишкек шаарында Мамлекеттик бажы кызматы тарабынан уюштурулган Түрк мамлекеттер уюмунун (ТМУ) жумушчу тобунун 15-жыйыны болуп өттү. Жыйынга ТМУга мүчө мамлекеттердин бажы администрацияларынын өкүлдөрү бажы кызматтарынын жетекчилери катышышты. Бажы кызматынын маалыматына караганда, тараптар сооданы жана адамдардын жүрүүсүн жеңилдетүү, анын ичинде өткөрүү пункттарында “Бирдиктүү терезе” жана “Бирдиктүү аялдама” механизмдерин