Экономика

Кыргызстанда медициналык жабдууларды санариптик инвентаризациялоо системасы киргизилип жатат

Мелис Совет уулу

17 февр. 2026 12:53

Кыргызстандын саламаттык сактоо уюмдарында медициналык жабдууларды санариптик инвентаризациялоо боюнча SAMEDIS системасы киргизилип жатканын Саламаттык сактоо министрлигинин басма сөз кызматы билдирди.

Саламаттык сактоо министринин биринчи орун басары Айбек Маткеримов Германиянын өнүктүрүү банкынын өкүлү Индира Молдогазиева жана GITEC-IGIP консалтинг компаниясынын долбоор менеджери Керез Келишова менен жолугушуу өткөрдү. Тараптар Германиянын каржылык колдоосу менен ишке ашырылып жаткан "Саламаттык сактоо V" сектордук программасынын учурдагы аткарылышын, техникалык коштоону, маалыматтарды жаңыртууну жана системанын медициналык мекемелерде туруктуу иштешин камсыз кылуу маселелерин талкуулашты.

Жолугушуунун алкагында жабдууларды тапшыруу аземи өтүп, медициналык мекемелерге иш процессин колдоо жана жабдууларды санариптик эсепке алууну жүргүзүү үчүн 150 принтер жана 1000 картридж берилди.

Министрликтен билдиришкендей, бүгүнкү күндө каралган бардык медициналык мекемелерде кызматкерлер үчүн окутуу тренингдери өткөрүлүп, SAMEDIS системасы ишке киргизилди. Аймактарда медициналык жабдууларды инвентаризациялоо уланууда. Ал эми Бишкек шаары жана Чүй облусу боюнча саламаттык сактоо уюмдары негизги этапты аяктап, маалыматтарды туруктуу жаңыртуу баскычына өтүштү.

Мындан тышкары, маалымат базасы менен иштеген жана киргизилген маалыматтын сапатын көзөмөлдөгөн профилдик бөлүмдөрдүн кызматкерлери кошумча окутулду. Кийинчерээк медициналык жабдууларды эсепке алуу функциясы "Кыргызфармация" мамлекеттик ишканасына өткөрүлөт.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.