МинКаб 2026-жылы соя, күн караманын үрөнү, рапс, сафлор импортун КНСтен бошотууну көздөйт
Министрлер Кабинети 2030-жылга чейинки иш-чаралар планынын алкагында 2026-жылдын IV кварталына чейин өсүмдүк майын өндүрүү үчүн керектелген чийки заттын айрым түрлөрүн импорттоодо КНСтен (кошумча нарк салыгынан) бошотуу маселесин кароону пландап жатат.
Сөз төмөнкү товарларды импорттоодо КНС төлөөдөн бошотуу мүмкүнчүлүгү тууралуу болуп жатат:
- соя;
- күн караманын үрөнү;
- рапс;
- сафлор.
Бул жеңилдик ички рынокто өсүмдүк майын өндүрүүнү көбөйтүү максатында сунушталууда.
Маалыматка ылайык, 2025-жылы өлкөдө өсүмдүк майын өндүрүүнүн иш жүзүндөгү көлөмү 21,9%га өсүп, 10,7 миң тоннаны түзгөн. Бул 2018-жылдан берки эң жогорку көрсөткүч болуп эсептелет.
