Пенсия, стипендия жана жөлөк пулдар кечиктирилсе айып пул эсептелет
Жогорку Кеңеште сот-укуктук маселелер, укук тартиби, кылмыштуулукка каршы күрөшүү жана коррупцияга каршы аракеттенүү боюнча комитеттин жыйынында бир катар мыйзамдарга өзгөртүүлөр каралды.
МинКаб иштеп чыккан мыйзам долбооруна ылайык, пенсияларды, стипендияларды жана жөлөк пулдарды беш күндөн ашык мөөнөткө кечиктирүү үчүн айып пул эсептелет.
Тактап айтканда:
- Кечиктирилген суммага ар бир күн үчүн 0,15% өлчөмүндө туум эсептелет.
- Туум суммасы негизги карыздын 200%ынан ашпоого тийиш.
- Бирок бул чектөө жазуу жүзүндөгү талап коюлган күнгө чейин гана колдонулат.
- Эгер жаран жазуу жүзүндө карызды төлөө тууралуу талап койсо, анда туум боюнча максималдуу чектөө алынат жана ал толук төлөнгөн күнгө чейин эсептеле берет.
- Талкуунун жыйынтыгында комитет мүчөлөрү мыйзам долбоорун биринчи окууда жактырды.
