Т.Алтымышев: Эт кымбаттабаса фермердин эмгеги акталбайт
Эттин баасы кымбаттабаса фермерлердин фермерлердин мээнети актабай турганын эксперт Тынчтык Алтымышев "Кабар" агенттигинин “Элден собол” берүүсүндө билдирди.
“Нарындан малды алып келип союп, касапкана, ветеринардык кызматтардан кийин этти 680 сомдон сатса, малды бордоп жеп-чөп короткон фермелерде эмне калат? Бизде башка коңшу өлкөлөргө салыштырмалуу эттин баасы арзан.
Статистика кайрылсак, Өзбекстанда уйдун эти биздин сом менен 1000-1200 сомго чейин, ал эми Казакстанда 1300-1400 сом. Россиянын өзүндө 800-850, Тажикстандын өзүндө эттин баасы 1100 сомго чейин көтөрүлгөн. Белгилүү болгондой, Кыргызстанда уйдун этинин дүң баасы 650 сом, базардагы чекене баасы 750 сомдун тегерегинде кармалып жатат”,- деди эксперт.
Ошондой ал Кыргызстанда негизинен эт өлкө аймактарында, айылдарда өндүрүлөөрүн айтты.
“Чүйдө анча-мынча гана эт өндүрүлгөнү болбосо, негизинен Бишкекке эт Нарын, Ысык-Көл, Талас сыяктуу алыскы аймактардан келет. Карап чыксам, Ата-Башы, Нарындын базарлары Бишкектин базарларын эт менен камсыздайт экен. Учурда дыйкан - фермерлерибиздин эмгегине, мал баккан түйшүгүнө карабастан, пайдага иштебесе дагы мамлекеттин суранычы менен баа кармалып жатат”,- деди Алтымышев.
