Д.Трамп бардык өлкөлөргө 10% кошумча бажы төлөмүн киргизгенин билдирди
Дональд Трамп бардык өлкөлөрдөн импорттолгон товарларга 10% кошумча бажы төлөмүн киргизүү тууралуу жарлыкка кол койгонун өзүнүн Truth Social социалдык тармагында билдирди.
"Мен үчүн глобалдык 10% бажы төлөмүн бардык өлкөлөргө киргизгенимди маалымдоо чоң сыймык. Бул чара дээрлик дароо күчүнө кирет",-деп билдирди ал.
Бул чечим АКШнын мурда белгилүү соода өнөктөштөрүнө карата киргизилген бажы төлөмдөрүн мыйзамсыз деп тааныган чечиминен кийин кабыл алынган. Ак үйдүн маалыматы боюнча, жаңы тарифтер 150 күнгө киргизилип, 24-февралдан баштап Борбордук Европа убактысы боюнча саат 06:01де күчүнө кирет. Чараны узак мөөнөткө узартуу үчүн Конгресстин макулдугу талап кылынат.
Трамп чечимин 1974-жылдагы соода тууралуу мыйзамдын жоболоруна негиздеген. Бирок эксперттер бул мыйзамдын колдонулушу юридикалык талаптарга канчалык туура келери боюнча суроолорду коюшууда.
Ак үй ошондой эле бир катар өзгөчө жагдайларды жарыялады: бажы төлөмдөрү АКШ экономикасы үчүн критикалык мааниге ээ болгон товарларга тиешелүү эмес. Аларга, өзгөчө, кымбат баалуу жер казына металлдары жана башка айрым металлдар, айрым айыл чарба продукциялары, дары-дармектер жана фармацевтикалык активдүү заттар, айрым автоунаа түрлөрү, китептер жана аэрокосмостук өнөр жай продукциясы кирет.
Мындан тышкары, айрым товар категориялары үчүн өлкөдө өндүрүлгөнүнө жараша атайын бажы келишимдери колдонулушу мүмкүн.
