"Газпром Кыргызстан" былтыркы газ төлөмдөрүнүн кескин жогорулашынын себебин билдирди

Депутат Улукбек Карыбек уулу  Жогорку Кенештин Өндүрүштүк саясат, транспорт, күйүүчү-энергетикалык комплекс, архитектура жана курулуш комитетинин жыйынында 2025-жылдын октябрь-ноябрь айларында газ үчүн төлөмдөрдүн кескин көбөйүшү боюнча шаар тургундарынын кайрылууларына көңүл бурду.

Маселенин социалдык маанисин эске алуу менен ал түзүлгөн кырдаалга жол берген адамдардын жоопкерчилиги тууралуу суроо көтөрдү.

Өз кезегинде "Газпром Кыргызстан" ЖЧКсынын башкы директорунун орун басары Арзымат Алдаяров 2025-жылдын аягында сервердин ашыкча жүктөлүшүнөн улам телеметриялык сигналдарды иштетүүдө техникалык мүчүлүштүк болгонун билдирди.

"Учурда техникалык көйгөй толугу менен жоюлду. Шаар тургундары келип чыккан эсепти үч айга бөлүп төлөй алышты", — деди ал.