Кыргызстанга 2025-жылы 3,886 млрд кВт/саат электр энергиясы экспорттолгон
Кыргызстан 2025-жылы сырттан 3,886 млрд киловатт-саат электр энергиясын импорттогонун Жогорку Кеңештин Өндүрүштүк саясат, транспорт, күйүүчү-энергетикалык комплекс, архитектура жана курулуш комитетинин жыйынында Энергетика министри Таалайбек Ибраев билдирди.
Анын айтымында, 2025-жылы республика жалпы 15,4 млрд киловатт-саат электр энергиясын өндүргөн, анын ичинен:
- ГЭСтер — 12,9 млрд,
- Бишкектеги ТЭЦ — 2 млрд,
- чакан ГЭСтер — 450 млн киловатт-саат.
"Керектөө 19,3 млрд киловатт-саатка жетет. Камсыз болбогон 3,886 млрд киловатт-саат электр энергиясы Казакстан, Өзбекстан, Түркмөнстан жана Россиядан экспорттолду", — деди министр.
Ошондой эле ал белгилегендей, Кыргызстан Улуттук электр тармактарынын маалыматына ылайык, өткөн жылы тармакка 26 448 жаңы абонент кошулган, бул 1 974 мегаватт электр энергиясына барабар.
