Экономика

Россияда мигранттардын кирешеси, салыгы тууралуу маалыматтар текшерилип турат

Мелис Совет уулу

27 февр. 2026 10:03

Россия премьер-министри Михаил Мишустин Мамлекеттик Думада өткөн жылдагы ишмердүүлүк боюнча отчет берип жатып, негизги жетишкендиктердин бири катары мыйзамсыз жүргөн чет өлкөлүктөрдүн реестри түзүлгөнүн билдиргенин "Азаттык" жазды.

Аталган базага болжол менен 840 миң адам киргизилген. Аларга машине айдоо, никеге туруу жана банк кызматтарынан пайдалануу сыяктуу бир катар чектөөлөр киргизилген. 2025-жылы миграциялык режимди бузган 72 миң адам өлкөдөн чыгарылган.

М.Мишустиндин мындан ары “мигранттын санарип профили” түзүлөрүн билдирди. Ошондой эле Ички иштер министрлиги менен Салык кызматынын ортосунда мигранттардын кирешеси жана төлөгөн салыгы тууралуу маалыматты электрондук алмашуу боюнча мыйзам долбоорлору иштелип чыккан.

Мындан тышкары, чет өлкөлүк жумушчуларды уюшкан түрдө кабыл алуу механизми ишке киргизилген. Алар Россияга киргенге чейин дактилоскопиядан өтүп, экзамен тапшырып жана медициналык кароодон өтүшү керек болот. Ар бир мигрант конкреттүү иш берүүчүгө бекитилип, бул эмгек миграциясын башкарууну ачык жана натыйжалуу кылууга багытталууда.

Ошондой эле мигранттар үчүн экзамен талаптары күчөтүлүп, алардын балдарын мектепке кабыл алууда тестирлөө киргизилген. Медициналык текшерүүдөгү жаңы нормалар кооптуу ооруларды аныктоо мөөнөтүн 14 күнгө чейин кыскартууну карайт.

Мындан тышкары окуңуз

Ала-Букада аким 8 айылдын тургундары менен жолугуп, көйгөйлөрүн укту

Ала-Бука районунун акими Темирболот Абыкеев айылдардын тургундары менен жеке жолугуу максатында көчмө жыйын өткөрдү. Бул тууралуу аймактын мамлекеттик админстрациясынын басма сөз кызматы билдирди. Көчмө кабыл алууда аким Ызар, Кош-Терек, Кош-Алмурут, Баймак, Келте, Кашкалак, Кажар жана Моло-Таш айылдарынын тургундарынын кайрылууларын укту. Мындан тышкары, Моло-Таш айылындагы таза

Бишкектеги сейил бактарда ит сейилдетүүчү атайын жайлар түзүлөт

Бишкектеги сейил бактарда жана скверлерде үй жаныбарларын сейилдетүү үчүн атайын жайларды уюштуруу каралат. Бул тууралуу Бишкек мэриясы билдирди. Шаар мэри Айбек Жунушалиев Иманалы Айдарбеков көчөсүнүн (мурдагы Жаш Гвардия бульвары) Жоомарт Бөкөнбаев көчөсүнөн Жибек Жолу проспектисине чейинки бөлүгүндө жүрүп жаткан реконструкциялоо иштери менен таанышты. Текшерүү учурунда мэр сейил бактарды жана скверлерди

Эсептөө палатасы бюджеттеги кемчиликтерди четтетүү боюнча сунуштарды берди

2025-жылдагы республикалык казынанын аткарылышы боюнча жүргүзүлгөн аудиттин жыйынтыгы чыкты. Бул тууралуу Эсептөө палатасынын басма сөз кызматы билдирди. Анализде бюджеттик тартипти чыңдоо, каржылык отчеттуулукту жакшыртуу жана санариптик тутумдарды толук киргизүү зарылдыгы белгиленди. Анын ичинде борборлоштурулган бухгалтердик эсептин автоматташтырылган маалыматтык тутумуна мекемелердин 71%га гана өткөнү көрсөтүлдү. Тоо-кен тармагындагы салык

Лебединовка ГЭСин реконструкциялоого даярдык башталды

Лебединовка ГЭСин реконструкциялоого даярдык көрүлүп, станцияда адистер жана жумушчулар үчүн убактылуу шаарча курула баштады. Бул тууралуу "Чакан ГЭС" ААКтан билдиришти. Курулуш иштерин башкы подрядчы — China National Heavy Machinery Corporation (CHMC) компаниясы жүргүзүүдө. Убактылуу шаарчанын курулушу ГЭСте негизги курулуш-монтаждоо жана реконструкциялоо иштерин баштоого даярдыктын биринчи этабы болуп саналат.