Экономика

Иран Ормуз кысыгынан мунай ташуучу кемелерди өткөрбөй турганын билдирди

Мелис Совет уулу

03 мар. 2026 13:45

Кеңешчи, генерал-майор Ибрагим Джаббари, Ислам революциясынын сакчылар корпусунун атынан чыгып сүйлөп, Ормуз кысыгы кеме жүрүшү үчүн жабылганын жана андан өтүүгө аракет кылган кемелер өрттөлөрүн билдиргенин Al Jazeera маалымдады.

Анын айтымында, мунайдын баасы 81 долларга жетип, дүйнө жүзү ал баа кеминде 200 долларга чейин өсөт деп күтүп жатат. Джаббари мамлекеттик телеканал аркылуу сүйлөп жатып, Ислам революциясынын сакчылар корпусунун, деңиз күчтөрүнүн жана армиянын бөлүктөрү кысыктан өтүүгө аракет кылган ар бир кемеге сокку урарын айткан.

Ошондой эле ал аймактагы мунай түтүк өткөргүчтөрүнө да сокку уруларын жана "каршылаш тарапка басым жасалмайынча" бул аймактан мунай экспорттоого жол берилбей турганын билдирген. Анын сөзүнө караганда, америкалыктардын ири тышкы карыздары бар жана алар бул аймактагы мунайга муктаж, бирок "бир тамчы да ала алышпайт".

Ормуз кысыгы — Перс булуңундагы өлкөлөр үчүн мунай экспорттоонун негизги деңиз жолу. Жакынкы Чыгыштагы согуш башталгандан кийин ирандык ЖМКлар кемелерге кысыктын жабылганы тууралуу билдирүүлөр жөнөтүлгөнүн жазышкан. Reuters агенттиги кеминде 150 танкер ачык деңизде якорь таштап токтоп турганын кабарлаган.

Ошол эле учурда, Аббас Аракчи 2-мартта Тегеран кысыкты жабууну пландабаганын билдирген.

Бул кысык аркылуу дүйнөдөгү чийки мунайдын бештен бир бөлүгү өтөт. Анын жабылышы “кара алтындын” кымбатташына алып келиши мүмкүн. Ормуз кысыгы аймактагы өлкөлөр үчүн аскердик коопсуздук жагынан да стратегиялык мааниге ээ. New York Times гезити жазгандай, Иран кысыкты бууп, Перс булуңундагы АКШнын деңиз флотунун бардык кемелеринин мүмкүнчүлүктөрүнө тоскоол болушу мүмкүн

Мындан тышкары окуңуз

Ала-Букада аким 8 айылдын тургундары менен жолугуп, көйгөйлөрүн укту

Ала-Бука районунун акими Темирболот Абыкеев айылдардын тургундары менен жеке жолугуу максатында көчмө жыйын өткөрдү. Бул тууралуу аймактын мамлекеттик админстрациясынын басма сөз кызматы билдирди. Көчмө кабыл алууда аким Ызар, Кош-Терек, Кош-Алмурут, Баймак, Келте, Кашкалак, Кажар жана Моло-Таш айылдарынын тургундарынын кайрылууларын укту. Мындан тышкары, Моло-Таш айылындагы таза

Бишкектеги сейил бактарда ит сейилдетүүчү атайын жайлар түзүлөт

Бишкектеги сейил бактарда жана скверлерде үй жаныбарларын сейилдетүү үчүн атайын жайларды уюштуруу каралат. Бул тууралуу Бишкек мэриясы билдирди. Шаар мэри Айбек Жунушалиев Иманалы Айдарбеков көчөсүнүн (мурдагы Жаш Гвардия бульвары) Жоомарт Бөкөнбаев көчөсүнөн Жибек Жолу проспектисине чейинки бөлүгүндө жүрүп жаткан реконструкциялоо иштери менен таанышты. Текшерүү учурунда мэр сейил бактарды жана скверлерди

Эсептөө палатасы бюджеттеги кемчиликтерди четтетүү боюнча сунуштарды берди

2025-жылдагы республикалык казынанын аткарылышы боюнча жүргүзүлгөн аудиттин жыйынтыгы чыкты. Бул тууралуу Эсептөө палатасынын басма сөз кызматы билдирди. Анализде бюджеттик тартипти чыңдоо, каржылык отчеттуулукту жакшыртуу жана санариптик тутумдарды толук киргизүү зарылдыгы белгиленди. Анын ичинде борборлоштурулган бухгалтердик эсептин автоматташтырылган маалыматтык тутумуна мекемелердин 71%га гана өткөнү көрсөтүлдү. Тоо-кен тармагындагы салык

Лебединовка ГЭСин реконструкциялоого даярдык башталды

Лебединовка ГЭСин реконструкциялоого даярдык көрүлүп, станцияда адистер жана жумушчулар үчүн убактылуу шаарча курула баштады. Бул тууралуу "Чакан ГЭС" ААКтан билдиришти. Курулуш иштерин башкы подрядчы — China National Heavy Machinery Corporation (CHMC) компаниясы жүргүзүүдө. Убактылуу шаарчанын курулушу ГЭСте негизги курулуш-монтаждоо жана реконструкциялоо иштерин баштоого даярдыктын биринчи этабы болуп саналат.