Таласта 738 миң сом алимент өндүрүлдү
Талас облусунда алимент боюнча 738 миң сомдон ашуун карыз өндүрүлгөнүн Сот аткаруу кызматы билдирди.
Маалыматка ылайык, Сот аткаруучулар кызматынын Айтматов райондук бөлүмүндө Б.С. аттуу карызкорго карата аткаруу өндүрүшү жүрүп жаткан. Ал Н.К.нын пайдасына жашы жете элек балдарды багууга кирешесинин 50%ы өлчөмүндө алимент төлөөгө милдеттендирилген.
Мажбурлап аткаруу чараларынын жыйынтыгында 738 миң 171 сом өлчөмүндөгү алимент карызы толук өндүрүлүп, Н.К.га которулду.
