Жогорку технологиялар паркынын резиденттеринин экспорту 200 млн долларга жакындады
Кыргызстандын жогорку технологиялар паркынын резиденттеринин экспорту дээрлик 200 млн долларга (болжол менен 17,1 миллиард сом) жеткенин парктын директору Азис Абакиров билдирди.
Анын айтымында, ИТ-компаниялардын экспорт көлөмү өлкөнүн жалпы экспортунун болжол менен 7%ын, ал эми ички дүң продукциясынын (ИДП) дээрлик 1%ын түзөт.
Азис Абакиров белгилегендей, масштаб жагынан бул сектор салттуу тармактардын бири — тигүү өнөр жайы менен теңтайлаша баштады. Ошол эле учурда ИТ-индустрия өлкөнүн экспорттук өсүшүнүн негизги багыттарынын бирине айланып баратат.
Анын айтымында, Жогорку технологиялар паркынын өнүгүшү инновацияларга жана адам капиталын пайдаланууга негизделген Кыргызстандын жаңы технологиялык экспорттук профилин калыптандырууда.
Паркта ошондой эле сектор активдүү өсүп жатканын жана дүйнөнүн ар кайсы өлкөлөрүнөн технологиялык компаниялар менен адистер үчүн уламдан улам жагымдуу болуп баратканын белгилешти.
