Brent мунайынын барелли 103,17 долларга көтөрүлдү
Brent мунайынын баасы бир баррелине 103,17 долларга чейин көтөрүлгөнүн Интерфакс кабарлады. Маалыматка караганда, Лондондун ICE Futures биржасында Brent 2,96 долларга (2,95%) жогорулап, бир баррелине 103,17 долларды түздү.
Ал эми NYMEX биржасында WTI маркасындагы мунай 2,97 долларга (3,18%) жогорулап, бир баррелине 96,47 доллар болду.
Дүйшөмбү күнү Brent 2,8%га, ал эми WTI 5,3%га төмөндөгөн. Бул төмөндөөгө дем алыш күндөрү Ормуз кысыгынан бир нече танкердин тоскоолдуксуз өткөнү тууралуу маалыматтар себеп болду.
Goldman Sachs аналитиктеринин эсептөөсү боюнча, жеткирүүнүн үзгүлтүккө учурашы мунай продуктуларынын рыногуна көбүрөөк таасир тийгизүүдө.
