Перс булуңундагы өлкөлөрдө мунай өндүрүү 60%га кыскарды
АКШ менен Ирандын ортосундагы чыңалуу жана Ормуз кысыгынын жабылып калганына байланыштуу Перс булуңундагы өлкөлөрдө мунай өндүрүү кескин азайганын "Казинформ" билдирет.
Акыркы маалыматтарга ылайык, бир жума ичинде бул аймактан мунай экспорттоо февраль айына салыштырмалуу кеминде 60% га кыскарган. Мунун негизги себептери - жеткирүүдөгү үзгүлтүктөр жана мунай өндүрүүнүн азайышы.
Ормуз кысыгы дүйнөлүк мунай жеткирүүнүн болжол менен 20% өтүүчү маанилүү жол болуп эсептелинет. Анын жабылышы экспорттоочулардын жүктөрүн жана айрым кендерде өндүрүштү убактылуу токтотууга мажбур кылды. Бул дүйнөлүк рынокто ири каатчылыкты жаратты.
Бириккен Араб Эмираттары - мунай өндүрүүнү эки эседен көп, Сауд Аравиясы - 20%га жана Ирак - болжол менен 70%га азайткан.
Аналитиктердин айтымында, сегиз өлкө (Сауд Аравиясы, Кувейт, Иран, Ирак, Оман, Катар, Бахрейн жана БАЭ) боюнча мунай экспорту мурдагы 25 млн баррелден суткасына орто эсеп менен 9,7 млн баррелге чейин түшкөн. Айрым талдоолордо бул көрсөткүч 7,5 млн баррелге чейин жетип, 71% га төмөндөгөнү айтылууда.
Атап айтканда, Жакынкы Чыгышта мунай өндүрүү күнүнө 7- 10 млн баррелге чейин кыскарганы белгиленүүдө.
