Президент асыл тукум мал чарбачылыгы жөнүндө мыйзамга кол койду
Садыр Жапаров "Кыргыз Республикасында мал чарбасындагы асыл тукум иши жөнүндө" мыйзамына кол коюлганын президенттин администрациясынын маалыматтык саясат кызматы билдирди. Бул мыйзам Жогорку Кеңеш тарабынан 2026-жылдын 4-мартында кабыл алынган.
Мыйзамды кабыл алуунун негизги максаты — асыл тукум мал чарбасын мындан ары өнүктүрүү үчүн шарттарды түзүү жана ушул тармактагы мыйзамдарды өркүндөтүү болуп саналат.
Мыйзамда асыл тукум мал чарбачылыгы тармагын мамлекеттик жөнгө салуу, бул тармактагы субъекттердин экономикалык ишмердүүлүгүнүн өзгөчөлүктөрү, анын ичинде илимий-изилдөө иштерин өнүктүрүү нормалары, асыл тукум продукциясын таануу, колдонуу жана баалоо маселелери, ошондой эле аны пайдалануунун тартиби жана шарттары.
Ошондой эле мыйзамда асыл тукум мал чарбачылыгы тармагындагы ишмердүүлүктү уюштуруунун негизги принциптери жана системасы аныкталган. Бул системага Министрлер кабинети, ыйгарым укуктуу мамлекеттик орган, жергиликтүү өз алдынча башкаруу органдары, асыл тукум иши менен алектенген субъекттер кирет.
Мындан тышкары, алардын ыйгарым укуктары да белгиленген.
Мыйзам ошондой эле малды жасалма уруктандыруу боюнча ишмердүүлүктү түзүү жана жүргүзүү тартиби, асыл тукум продукциясын (материалын) экспорттоо жана импорттоо, бул тармактагы ишкердик ишмердүүлүк, илимий-изилдөө иштерине мамлекеттик буйрутманы түзүү жана ишке ашыруу тартиби маселелерин жөнгө салат.
