Кыргызстанда 3 айда өнөр жай, айыл чарба, курулуш тармактарында өсүштөр болду
Кыргызстанда 2026-жылдын январь–март айларында өнөр жай продукциясынын көлөмү 227 млрд сомдон ашып, өткөн жылдын ушул мезгилине салыштырмалуу 14%га өскөнүн бүгүн Улуттук статистика комитетинин төрайымынын биринчи орун басары Назира Керималиева билдирди.
Анын маалыматына ылайык, айыл чарба жана балык чарбасынын дүң продукциясынын көлөмү 48 млрд сомго жакындап, 2,8%га өстү. Өсүш негизинен мал чарбачылыгынын продукциясынын көбөйүшү менен камсыздалды.
Курулуш тармагынын дүң продукциясынын көлөмү дээрлик 69 млрд сомду түзүп, 29,6%га өстү. Өсүш республиканын бардык аймактарында катталды.
