Токтогул районунда 13 чакырым канал колдонууга берилди
Токтогул районунда жалпы узундугу 13 чакырымды түзгөн “Бөкөнбай” каналы реаблитацияланып, колдонууга берилди.
“Баймурас” айыл чарба кооперативи тарабынан бир жылдын ичинде 13 чакырым канал реаблитацияланып, учурда жазгы талаа иштери кызуу жүрүп жатат. Жалпысынан 400 гектарга жакын айдоо жерине эгин эгилип жатат.
Кооперативдин жетекчиси Руслан Касымалиевдин айтымында, Токтогул районунда биринчи жолу 10 гектар жерге шалынын 5 сортун (күрүч) сээп көрүү пландалган.
Суу ресурстары, айыл чарба жана кайра иштетүү өнөр жайы министрлигинин Токтогул райондук агрардык өнүктүрүү башкармалыгы тарабынан кооператив түзүүгө документ иштерине жардам берилди.
