Экономика

Эсептөө палатасы Чолпон-Атадагы бюджеттик мыйзам бузууларды аныктады

Ишкер Media

14 июля 2026 17:57

Эсептөө палатасынын Ысык-Көл жана Нарын облустары боюнча аймактык бөлүмү Чолпон-Ата шаарынын 2024–2025-жылдардагы жергиликтүү бюджетине жүргүзгөн аудиттин жыйынтыгында 185 млн 249,7 миң сомдук каржылык мыйзам бузуу аныктады.

Эсептөө палатасынын маалыматына караганда, бул каражаттын ичинен 170 млн 763,2 миң сому калыбына келтирүүгө тийиш болсо, 147 млн 809,5 миң сому калыбына келтирилген.

Аудиттин жүрүшүндө бюджетти түзүүдөгү кемчиликтер, бюджетке түшүүгө тийиш болгон каражаттардын чегерилбегени, бюджеттик каражаттарды берүү тартибинин бузулушу, капиталдык курулуш иштериндеги мыйзам бузуулар жана мүлктүн талаптагыдай сакталбаганы аныкталган.

Мындан тышкары, көпүрө куруу жана шаардык көл жээгин көрктөндүрүү боюнча бир катар курулуш объектилеринде аткарылган иштердин көлөмү негизсиз көбөйтүлгөнү аныкталып, материалдар Ысык-Көл облустук прокуратурасына укуктук баа берүү үчүн жөнөтүлдү.

Ошондой эле айрым объектилер боюнча сметалык жана аткарылган иштердин документтери берилбегендиктен, аудит жүргүзүү мүмкүн болбой калганы белгиленди. Аудиттин жыйынтыгы боюнча тиешелүү мамлекеттик органдарга отчет, жазма буйруктар жана кемчиликтерди жоюу боюнча сунуштар жөнөтүлдү.

Мындан тышкары окуңуз

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга

Валюталардын бүгүнкү курсу: юань өстү, доллар өзгөргөн жок

Улуттук банк 8-августка карата валюталардын расмий курсун жарыялады. Ага ылайык, доллардын курсу өзгөрүүсүз, тагыраагы 87,4500 сом бойдон калды. Евро 100,9435 сомдон 100,7730 сомго түшүп, 0,17%га төмөндөдү. Ал эми рублдин курсу 1,0652 сом деп белгиленип, 1,36%га түштү. Теңге болсо 0,1871 сомдон