Финансы министрлиги 2026-жылдын жарым жылдыгынын жыйынтыгын чыгарды
2026-жылдын 14-июлунда Финансы министрлигинде министрликтин коллегиясынын жыйыны болуп өттү. Анда министрликтин өкүлдөрү 2026-жылдын биринчи жарым жылындагы иштин жыйынтыгын чыгарып, республикалык бюджеттин киреше жана чыгаша бөлүктөрүнүн көрсөткүчтөрү, мамлекеттик жана салыктык эмес кирешелердин түшүүсүн карап чыгышты.
Министрликтин басма сөз кызматынын маалыматына ылайык, коллегияда мындан сырткары бюджеттин аткарылышындагы учурдагы тенденциялар жана бюджеттик саясаттын ишке ашырылышы боюнча маселелер каралды жана түзүмдүк бөлүмдөрдүн ишмердүүлүгүнүн жыйынтыгы чыгарылды.
Коллегияда аткаруучулук тартипке өзгөчө көңүл бурулуп, тапшырмалардын өз убагында жана сапаттуу аткарылышын камсыз кылуу боюнча кошумча чаралар белгиленди. Ошондой эле министрликтин борбордук аппаратынын бюджетинин аткарылышы жана Баалуу металлдар департаментинин өнүгүү стратегиясынын долбоору да каралды.
Коллегиянын жыйынтыгы менен тиешелүү чечимдер кабыл алынып, республикалык бюджеттин сапаттуу аткарылышын камсыз кылууга, бюджеттик процессти өркүндөтүүгө, финансылык тартипти чыңдоого жана Финансы министрлигинин ишинин натыйжалуулугун жогорулатууга багытталган тапшырмалар берилди.
