Кыргызстан менен Корея инвестиция жаатындагы кызматташтыкты күчөтөт

Кыргызстан менен Корея  инвестиция жаатындагы кызматташтыкты күчөтөт

Экономика министри Бакыт Сыдыков Кореянын соода, өнөр жай жана ресурстар министри Ким Чон Кван менен жолугушту. Анда эки өлкөнүн соода-экономикалык жана инвестициялык кызматташтыгын өнүктүрүү маселелери талкууланды. Бул тууралуу министрликтен билдиришти.

Жолугушуунун алкагында Экономика министрлиги менен Кореянын Соода, өнөр жай жана ресурстар министрлигинин ортосунда соода жана инвестициялар боюнча өз ара түшүнүшүү жөнүндө меморандумга кол коюлду.

Документке ылайык, соода жана инвестициялар боюнча кызматташтык комитети түзүлүп, аны эки министрликтин министрлеринин орун басарлары жетектейт. Комитет өлкөлөр ортосундагы экономикалык байланыштарды бекемдөөгө жана биргелешкен долбоорлорду илгерилетүүгө багытталат.

Меморандумда инвестицияларды илгерилетүү, соода жол-жоболорун жөнөкөйлөтүү, санариптик трансформация, халал индустриясы, критикалык минералдар, текстиль жана химия өнөр жайы, ошондой эле техникалык жөнгө салуу жана интеллектуалдык менчик жаатындагы кызматташтык каралган.

Тараптар меморандумдун алкагындагы иштер эки өлкөнүн соода-экономикалык жана инвестициялык байланыштарын мындан ары кеңейтүүгө өбөлгө болорун белгилешти.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Кыргызстанда курьер-аялдарды колдоо программасы иштей баштады

Асыл тукум мал үчүн 200дөн ашык фермерге 3%дык насыя берилди

ЕРӨБ баяндамасы: КРнын банк сектору бекемделди, мамлекеттик башкарууда тобокелдиктер бар

Бишкек ЖЭБ бир суткада канча энергия өндүрө алды?

Кызыл-Кыяда 5 400 орундуу стадион реконструкцияланууда