Энергетика

Евробиримдик “Камбар-Ата-1” ГЭСин курууга 1 млрд доллар бөлөт

Ишкер Media

10 окт. 2025 17:26

Энергетика министри Таалайбек Ибраев Бельгиянын Брюссель шаарында өткөн “Global Gateway” форумуна катышты. Форумда Ибраев Казакстандын, Өзбекстандын энергетика министрлери жана Евробиримдиктин өкүлдөрү менен «Камбар-Ата-1» ГЭСин куруу маселесин талкуулады.

Министрликтин маалыматына ылайык, Европа биримдиги Кыргызстан, Өзбекстан жана Казакстанга жалпы 2,4 млрд доллар бөлөрүн, анын ичинен Кыргызстанга 1 млрд доллар каралганын билдирди.

Бул максатта эки меморандумга кол коюлду. Биринчиси, КРнын Энергетика министрлиги менен Европа инвестициялык банкынын ортосундагы өз ара түшүнүшүү жөнүндө документ. Анда долбоорду 500 млн долларга чейин каржылоо макулдашылды. Ага министр Таалайбек Ибраев менен Европа инвестициялык банкынын башкы директору Эндрю Мак Довелл кол койду.

Экинчи меморандум – Кыргызстандын Энергетика министрлиги менен Европа реконструкциялоо жана өнүктүрүү банкынын ортосундагы макулдашуу. Мында дагы 500 млн долларга чейин каржылоо макулдашылды. Министр Ибраев менен банктын регионалдык директору Хусейн Озхан кол койду. Жолугушууга ЕРӨБдун президенти Одиль Рено-Бассо катышты.

“Global Gateway” — Европа биримдиги уюштурган форум, анда жогорку даражалуу өкүлдөр, бизнес жана каржы уюмдары катышат. Эл аралык экономикалык кызматташууну өнүктүрүү жана ири инфраструктуралык долбоорлорду колдоо максатын көздөйт.

Мындан тышкары окуңуз

Салык карызынын 97%ы эсептен чыгарылат: кимдерге жеңилдик берилди?

Кыргызстанда айрым салык төлөөчүлөргө салык карыздарын, туум жана санкцияларды эсептен чыгарууга мүмкүнчүлүк берген жаңы мыйзам кабыл алынды. Бирок жеңилдиктер автоматтык түрдө колдонулбайт, мыйзамда белгиленген шарттарды аткаруу талап кылынат. Салык кызматынын басма сөз кызматы маалымдагандай, мал экспорттоочулардын 2026-жылдын 1-январына чейинки салык карызынын 97%ы, ошондой эле туум жана санкциялардын

Кыргызстан менен Швейцария эл аралык автоташуулар боюнча келишимге кол койду

Кыргызстан менен Швейцариянын ортосунда жүргүнчүлөрдү жана жүктөрдү автомобиль транспорту менен эл аралык ташуу боюнча Өкмөттөр аралык келишимге кол коюлду. Бул тууралуу Транспорт жана коммуникациялар министрлигинин маалымат кызматы билдирди. Бүгүн транспорт жана коммуникациялар министри Талантбек Солтобаев Швейцариянын Кыргызстандагы Атайын жана Ыйгарым укуктуу Элчиси Сироко Мессерли менен жолугушту. Тараптар эки өлкөнүн ортосундагы

Баткенде күз-кышка даярдык: калкка 101 миң тонна көмүр талап кылынат

Президенттин Баткен облусундагы ыйгарым укуктуу өкүлү Мамыржан Рахимов күз-кышка даярдык көрүү боюнча буйругу кабыл алынып, облустук штабдын курамы жана иш-чаралар планы бекитилди. Аймактык өкүлчүлүктүн басма сөз кызматы билдиргендей, жыйында калкты көмүр менен камсыз кылуу, түйүндөрдү ачуу, баасын туруктуу кармоо, ошондой эле электр жарыгы жана жылуулук менен үзгүлтүксүз камсыз

Таласта 11,9 млн сомдук долбоордун алкагында жабык дренаж курулууда

Талас шаарындагы Тагайбаев көчөсүндө жалпы узундугу 1377 метр болгон жабык дренаж системасын куруу иштери башталды. Бул тууралуу ӨКМдин Талас облусу боюнча башкармалыгынан билдиришти. Маалыматка ылайык, долбоордун жалпы сметалык баасы 11 млн 899 миң 720 сомду түзөт. Учурда 600 метр аралыкта казуу иштери жүргүзүлүп, бардык иш-аракеттер белгиленген тартип боюнча уланууда.