Кыргызстанда быйыл 281,2 миң тонна таш көмүр, 2,04 млн тонна күрөң көмүр өндүрүлдү
2025-жылдын январь-август айларында Кыргызстанда 281,2 миң тонна таш көмүр казылып алынганын жана бул көлөм былтыркы жылдын ушул мезгилине караганда 32%га аз экени статистикалык маалыматтарда көрсөтүлдү.
Ошол эле мезгилде күрөң көмүр өндүрүү 2,04 млн тоннага жетип былтыркыга караганда 23,7%га көп болгон.
Адистердин айтымында, күрөң көмүрдү өндүрүү жылытуу сезонунун жакындап келатышына жана ички керектөөлөрдүн өсүп жатышына байланыштуу.
Учурда Кара-Кече көмүр кенинде бир тонна көмүрдүн баасы 2 460 сом болсо, Бишкекте 5800 сомдон сатылып жатат. Мамлекет быйыл көмүрдүн баасын 6 600 сомдон ашырууга тыюу салган.
