Энергетика

Кыргызстанда 250 МВттык ири күн электр станциясы курулат

Ишкер Media

29 окт. 2025 11:07

Кытайдын Сучжоу шаарында өткөн эл аралык форумдун алкагында КРнын Энергетика министрлиги, «States Technology Co., Limited» жана «San Energy Co.» компаниялары Кыргызстанда 250 МВттык күн электр станциясын куруу боюнча Инвестициялык келишимге кол коюшту. Бул тууралуу Энергетика министрлигинен билдиришти.

Келишимге Энергетика министри Таалайбек Ибраев, «States Technology Co., Limited» компаниясынын президенти Лю Фернандо Оскар жана «San Energy Co.» компаниясынын башкы директору Лью Ионгжие кол койгон.

Долбоор Баткен облусунун Ак-Турпак айыл аймагында 669 гектар аянтка курулуп, 2025-жылы башталып, 2027-жылы ишке киргизилиши пландалууда. Станция ишке кирген соң, өндүрүлгөн электр энергиясын «Кыргызстан улуттук электр тармактары» ААК сатып алат.

Мындан тышкары, Энергетика министрлиги менен POWERCHINA компаниясынын ортосунда кызматташуу боюнча Меморандумга да кол коюлду. Бул документ эл аралык инвесторлорду тартууга, энергетикалык долбоорлорду биргелешип ишке ашырууга жана кыргыз адистерин окутууга багытталган. Ошондой эле Токтогул суу сактагычында калкып туруучу күн электр станциясын куруу мүмкүнчүлүктөрү изилденет.

Маалымат үчүн: POWERCHINA – гидроэнергетика, кайра жаралуучу энергия жана инфраструктура тармактарында дүйнөлүк деңгээлдеги долбоорлорду ишке ашырып келген Кытайдын ири компанияларынын бири.

Мындан тышкары окуңуз

Салык карызынын 97%ы эсептен чыгарылат: кимдерге жеңилдик берилди?

Кыргызстанда айрым салык төлөөчүлөргө салык карыздарын, туум жана санкцияларды эсептен чыгарууга мүмкүнчүлүк берген жаңы мыйзам кабыл алынды. Бирок жеңилдиктер автоматтык түрдө колдонулбайт, мыйзамда белгиленген шарттарды аткаруу талап кылынат. Салык кызматынын басма сөз кызматы маалымдагандай, мал экспорттоочулардын 2026-жылдын 1-январына чейинки салык карызынын 97%ы, ошондой эле туум жана санкциялардын

Кыргызстан менен Швейцария эл аралык автоташуулар боюнча келишимге кол койду

Кыргызстан менен Швейцариянын ортосунда жүргүнчүлөрдү жана жүктөрдү автомобиль транспорту менен эл аралык ташуу боюнча Өкмөттөр аралык келишимге кол коюлду. Бул тууралуу Транспорт жана коммуникациялар министрлигинин маалымат кызматы билдирди. Бүгүн транспорт жана коммуникациялар министри Талантбек Солтобаев Швейцариянын Кыргызстандагы Атайын жана Ыйгарым укуктуу Элчиси Сироко Мессерли менен жолугушту. Тараптар эки өлкөнүн ортосундагы

Баткенде күз-кышка даярдык: калкка 101 миң тонна көмүр талап кылынат

Президенттин Баткен облусундагы ыйгарым укуктуу өкүлү Мамыржан Рахимов күз-кышка даярдык көрүү боюнча буйругу кабыл алынып, облустук штабдын курамы жана иш-чаралар планы бекитилди. Аймактык өкүлчүлүктүн басма сөз кызматы билдиргендей, жыйында калкты көмүр менен камсыз кылуу, түйүндөрдү ачуу, баасын туруктуу кармоо, ошондой эле электр жарыгы жана жылуулук менен үзгүлтүксүз камсыз

Таласта 11,9 млн сомдук долбоордун алкагында жабык дренаж курулууда

Талас шаарындагы Тагайбаев көчөсүндө жалпы узундугу 1377 метр болгон жабык дренаж системасын куруу иштери башталды. Бул тууралуу ӨКМдин Талас облусу боюнча башкармалыгынан билдиришти. Маалыматка ылайык, долбоордун жалпы сметалык баасы 11 млн 899 миң 720 сомду түзөт. Учурда 600 метр аралыкта казуу иштери жүргүзүлүп, бардык иш-аракеттер белгиленген тартип боюнча уланууда.