Таласта көмөк чордондорду оңдоп-түзөө иштери 100%га аяктады
Энергетика министрлиги жүргүзгөн реформалардын алкагында "КУЭТ" ААКнын Талас электр тармактар ишканасы 2025-жылга пландалган бардык негизги оңдоо жана жаңыртуу иштерин толугу менен 100% аткарды.
Атап айтканда, 35 кВ жана андан жогору чыңалуудагы 30 даана көмөк чордондордо жабдыктар капиталдык оңдоодон, 1 608 даана жабдык техникалык тейлөөдөн өттү. "Беш-Таш", "Бейшеке" жана "Конезавод" чордондорунда эски ОДКЗ-35 жабдыктар заманбап блочтук өчүргүчтөргө алмаштырылды.
Ошондой эле, 500/220/10 кВ "Төлөбердиева" көмөк чордонунда релейдик коргоо панелдеринин модернизациясы уланууда. Бул иштер авариялык кырдаалдарды алдын алуу жана электр энергиясынын ишенимдүүлүгүн жогорулатуу максатында жүргүзүлүүдө.
Ишкана алдыда да жабдууларды жаңыртуу, коопсуздук жана үзгүлтүксүз энергия менен камсыздоо иштерин уланта берет.
Энергия маселелери боюнча суроолор жаралса, күнү-түнү иштеген колл-борборлорго кайрылса болот: 105 (акысыз), 1209, 0772 001209, 0556 001209, WhatsApp: 0702 001209.
