Баткенде электр тармагынын жаңы имараты курулууда
Энергетика министрлигинин демилгеси менен "КУЭТ" ААКнын Баткен электр тармактары филиалы 2025-жылы бир катар курулуш долбоорлорун ишке ашырууда. Алардын бири – Лейлек райондук электр тармагынын Өзгөрүш участогунун жаңы имараты. Учурда курулуш кызуу жүрүүдө жана декабрда пайдаланууга берилет.
Жаңы имарат кызматкерлер үчүн эс алуу бөлмөлөрү, шаймандарды сактоочу жай, санитардык-гигиеналык түйүндөр жана жыйындар үчүн бөлмөлөр менен камсыздалат. Ошондой эле кампа жана автоунаа токтотуучу жай каралган. Бул долбоор кызматкерлердин шарттарын жакшыртып, электр тармактарынын ишенимдүүлүгүн жогорулатууга багытталган.
Электр энергиясына байланыштуу суроолор жаралса, Баткен РЭТ, Лейлек РЭТ, Кадамжай РЭТ, Кызыл-Кыя РЭТ жана Сулукту РЭТтин колл-борборлоруна кайрылса болот: 105; 1209; 0221 33-36-02; 0772 46-04-01; 0221 55-54-78; 0221 55-54-68; 0773 94-07-07.
