Быйыл электр энергиясын колдонуу өндүрүүдөн 1 млрд кВт/саатка көп болгон
"Экономиканын ылдамдап жатышы электр энергиясын колдонуу динамикасында көрүнүп жатат: биз өндүрүштү жетиштүү деңгээлде көбөйтө албай жатабыз", — деди бүгүн, 23-декабрда, Министрлер кабинетинин төрагасынын орун басары Бакыт Торобаев "Биринчи радио" эфиринде.
Анын айтымында, быйыл электр энергиясын колдонуу өндүрүштөн 1 млрд кВт/саатка ашып кеткен — бул экономикалык активдүүлүктүн өсүшүн көрсөтөт.
"Экинчи жагдай — бюджеттин структурасы. Мурда аны "социалдык бюджет" деп аталса, азыр "өнүгүү бюджети" түзүлдү. Эгер чыгымдардын бөлүштүрүлүшүнө карасак, болжол менен 23% социалдык маселелерге жумшалса, реалдуу секторду өнүктүрүүгө каралган чыгымдардын үлүшү 35%га жетти. Бул экономиканын реалдуу секторуна көбүрөөк көңүл бурулуп жатканын билдирет", — деди ал.
