Ош – Бишкек жолунун боюндагы мыйзамсыз курулуштар алынууда
Жалал-Абад облусунун Ноокен районунда Ош–Бишкек унаа жолунун боюндагы мыйзамсыз салынган имараттар буздурулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, Масы айылындагы трассанын кызыл сызыгына кирип кеткен ондон ашык курулуш объектиси мыйзамга ылайык алынууда.
Буга чейин жер ээлерине эскертүүлөр берилген жана жер тилкесин калыбына келтирүү талабы коюлган, бирок талаптар аткарылбагандыктан, бузуу иштери күч органдарынын катышуусунда жүргүзүлүп жатат.
