Ош шаарындагы Абдыкадыров көчөсүнө 70 түп сирень отургузулду
Ош шаарынын Р. Абдыкадыров көчөсүнө 70 түп сирень бадалы отургузулууда. Жашылдандыруу ишине шаар мэри Жанарбек Акаев да катышты. Бул тууралуу мэриянын маалымат кызматы кабарлады.
Маалымдалгандай, иш-чарага тиешелүү муниципалдык кызматтардын жетекчилери жана жашылдандыруу тармагынын кызматкерлери тартылган.
Сирендин бийиктиги 2 метрден 5 метрге чейин жетип, май-июнь айларында 3–4 жума гүлдөйт.
Жашылдандыруу иштери шаар аймагын көрктөндүрүү, көчөлөрдүн эстетикалык көрүнүшүн жакшыртуу жана тургундар үчүн жагымдуу чөйрө түзүү максатында жүргүзүлүүдө.
Күндүн негизги жаңылыктары — Telegram каналыбызда
Каналга катталуу