Коом

Бишкек жана Ош мэриялары шаарды өнүктүрүү боюнча тажрыйба алмашууда

Айгерим Качкынбекова

17 окт. 2025 16:42

Кечээ Бишкек шаарынын мэриясында Ош шаарынын мэриясынын делегациясы менен жумушчу жолугушуу болуп өттү. Бул тууралуу муниципалитеттен билдиришти.

Иш-чарага Бишкек шаарынын мэриясынын аппарат жетекчиси Илияс Колопов, Ош шаарынын мэриясынын аппарат жетекчиси Масуда Айдарбекова, ошондой эле эки тараптан шаардык кызматтардын өкүлдөрү катышты.

Жолугушуу "АРАКЕТ – Кыргызстандагы конуштарда жашоону жакшыртуу" долбоорунун алкагында өткөрүлүп, шаарды өнүктүрүүнү башкаруу боюнча практикалык тажрыйба алмашууга багытталган.

Тараптар турак жай-коммуналдык чарбаны жакшыртуу, шаардык кызматтарды санариптештирүү, муниципалдык менчикти эффективдүү башкаруу, инфраструктураны модернизациялоо жана экологиялык чечимдерди ишке ашыруу маселелерин талкуулашты.

Учурда Ош мэриясынын өкүлдөрү борбор калаанын алдыңкы шаардык кызматтарынын иши менен таанышууда, анын ичинде:

«Бишкекжылуулукэнерго»,
«Бишкексууканал»,
«Тазалык»,
Муниципалдык инспекция,
Транспорт жана жол-транспорттук инфратүзүмдү өнүктүрүү департаменти,
Санарип технологиялар борбору жана башка бөлүмдөр.

Жолугушуунун жыйынтыгында тараптар кызматташууну улантууга жана өнүктүрүүгө даяр экенин белгилешти. Алар мындай демилгелер адистердин кесиптик өнүгүшүнө, шаардык чөйрөнүн сапатынын жогорулашына жана калктын жашоо деңгээлинин жакшырышына өбөлгө болорун баса белгилешти.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”