Коом

Мамлекеттик салык кызматкерлери боюнча 9 айда 181 кайрылуу түшкөн

Айгерим Качкынбекова

20 окт. 2025 10:34

2025-жылдын 9 айында Мамлекеттик салык кызматынын борбордук аппаратына жарандардан жана юридикалык жактардан 181 кайрылуу түшкөн. Алардын ичинен 64 кайрылуу жарандардан, 38и укук коргоо органдарынан келип түшкөн. Бул тууралуу Салык кызматынын маалымат кызматынан билдиришти.

Маалыматка ылайык, 1-октябрга карата 162 кайрылуу каралып бүтүп, 19 кайрылуу учурда каралууда. Каралып бүткөн кайрылуулардын ичинен 67 факт толугу менен тастыкталган, 5 факт жарым-жартылай тастыкталган, 90 факт тастыкталган эмес. Ошондой эле 20 кызматтык териштирүү дайындалып, анын 17си аяктаган.

Кызматтык тартипти бузгандыгы жана милдеттерди аткарбагандыгы үчүн 126 кызматкер тартиптик жоопкерчиликке тартылган. 51 кызматкерге эскертүү, 43кө сөгүш, 16га катуу сөгүш, 13 кызматкер кызматтан кетирилген, 3 кызматкер кызматынан төмөндөтүлгөн. Коррупциялык мыйзам бузуулар боюнча 3 кайрылуу келип түшкөн, анын ичинен 1 материал УКМКга жиберилген. Аймактык салык органдарында 4 кызматкер тартиптик жоопкерчиликке тартылган.

Ошондой эле 9 айда 136 салык төлөөчү салык мыйзамдарын бузгандыгы үчүн жоопкерчиликке тартылып, 15ине эскертүү берилген жана 3 адамга түшүндүрүү иштери жүргүзүлгөн.

Мамлекеттик салык кызматы кызматтык тартипти бекемдөө, органдардын ачыктыгын жогорулатуу жана салык төлөөчүлөргө сапаттуу кызмат көрсөтүүнү камсыздоо иштерин улантууда.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”