АКШда жылдан жылга америкалыктардын сыртка карай агымы өсүп жатат
2025-жылы АКШдан 1930-жылдан бери алгач ирет келгендерге караганда кеткендердин көбөйүшү Улуу депрессия мезгилинен бери биринчи жолу катталды.
Brookings Institution маалыматына ылайык, аталган жылы таза терс миграциялык өсүш байкалган: болжол менен 150 миң адам өлкөдөн чыгып кеткен. 2026-жылы калктын агымы мындан ары да көбөйөрү күтүлүп жатат.
The Wall Street Journal жазгандай, 2025-жылы иммигранттардын саны 2,6–2,7 миллион адамга чейин кыскарган. Салыштыруу үчүн, 2023-жылы бул көрсөткүч дээрлик 6 млн болгон.
АКШнын мамлекеттик департаментинин баалоосуна караганда, 2022-жылы Мексикада 1,6 млн америкалык жашаган, Канадада — 250 миңден ашуун. Улуу Британияда 325 миңден көп америкалык бар. Жалпысынан Европада 1,5 миллиондон ашык америкалык жашайт.
Португалияда америкалыктардын саны COVID пандемиясы башталгандан бери 500%дан ашык өскөн. Бир гана 2024-жылдын ичинде бул көрсөткүч 36%га көбөйгөн.
2025-жылы Ирландия 10 миң америкалыкты кабыл алган, бул мурунку жылга салыштырмалуу болжол менен эки эсе көп. Басылманын маалыматына ылайык, өткөн жылы Германияга АКШга көчүп барган немистерге караганда көбүрөөк америкалыктар көчүп барган.
Негизги себептер катары алыстан иштөө мүмкүнчүлүгү, АКШдагы жашоо наркынын өсүшү жана жашоо образына болгон артыкчылыктар аталды.
Буга чейин АКШнын ички иштер коопсуздугу министрлиги өткөн жылы 675 миң депортация жана 2,2 млн "өз ыктыяры менен чыгып кетүү" учуру катталганын билдирген.
