Январь айында улгайган адамдарга каршы 105 кылмыш жасалган
2026-жылдын январь айында улгайган жарандарга каршы 105 кылмыш катталган. Бул тууралуу Улуттук статистикалык комитети Башкы прокуратыранын маалыматына таянуу менен билдирди.
Катталган кылмыштардын түзүмү төмөнкүчө болду:
- 38,1% — алдамчылык,
- 26,7% — уурулук,
- 7,6% — электрондук төлөм каражаттарын, виртуалдык актив капчыгын же SIM-картаны үчүнчү жактарга атайылап өткөрүп берүү же сатуу,
- 5,7% — мал уурдоо.
Жабыркагандардын эң көп саны Бишкек шаарында катталган — 40%. Андан кийин Чүй облусунда — 14,3%, Жалал-Абад облусу менен Ош шаарынын ар биринде 10,5%ды түзгөн.
