Коом

Баланын өнүгүүсүнө салынган 1 доллар 13 доллар болуп кайтып келиши мүмкүн-ЮНИСЕФ

Мелис Совет уулу

06 мар. 2026 15:35

ЮНИСЕФ Кыргызстанда бардык 3 жашка чейинки балдар үчүн "Бала ырысы" аттуу бирдиктүү ай сайынкы мамлекеттик жөлөкпул киргизүү тууралуу Президенттин жарлыгын жылуу кабыл алганын билдирди.

ЮНИСЕФтин өкүлү Самман Джунг Тапа бул чечим өлкөнүн балдардын укуктарын коргоого болгон туруктуу жана ырааттуу милдеттенмесин чагылдырарын белгиледи. Анын айтымында, бул мамлекеттин баланын жашоосунун эң алгачкы жана өтө маанилүү мезгилине системалуу түрдө кошкон дагы бир маанилүү салымы болуп эсептелет.

2030-жылга чейинки Улуттук өнүгүү программасында балдар жакырчылыгынын деңгээлин 33,1%дан 25%га чейин азайтуу, балдарды социалдык коргоо чаралары менен камтууну кеңейтүү, алгачкы медициналык-санитардык жардамга жеткиликтүүлүктү жакшыртуу жана мектепке чейинки билим берүүнү тездетип өнүктүрүү максаты коюлган.

"Бала ырысы" жөлөкпулунун киргизилиши бул максаттарга жетүүгө жана Кыргызстанда балдардын укуктарын ишке ашырууну бекемдөөгө багытталган маанилүү кадам болуп саналат.

Дүйнөлүк тажрыйба көрсөткөндөй, балдардын эрте өнүгүүсүнө салынган ар бир доллар билим берүүнүн сапатын жогорулатуу, эмгек өндүрүмдүүлүгүн арттыруу, ден соолукту жакшыртуу жана теңсиздикти азайтуу аркылуу 13 долларга чейин кайтарым алып келиши мүмкүн.

ЮНИСЕФ Кыргызстан өкмөтүнө балдарга жана үй-бүлөлөргө артыкчылык бергендиги үчүн ыраазычылык билдирип, "Бала ырысы" программасын иштеп чыгуу жана ишке ашырууда улуттук өнөктөштөрдү колдоону улантууга даяр экенин белгиледи. Бул программа ар бир баланын кызыкчылыгы үчүн социалдык коргоо системасын мындан ары да бекемдөөгө багытталган.

Мындан тышкары окуңуз

Баткендеги катуу шамалдын кесепети 16 млн сом чыгымга учуратты

27-июнда Баткен шаарында, ошондой эле Баткен жана Лейлек райондорунун аймагында катуу шамал болуп, шамалдын ылдамдыгы секундасына 27–28 метрге чейин жетти. Бул тууралуу президентинин Баткен облусундагы ыйгарым укуктуу өкүлүнүн басма сөз кызматы билдирди. Маалыматка ылайык, жаратылыш кырсыгынын кесепетинен айрым турак үйлөрдүн жана социалдык объектилердин чатырлары жабыркап, башка материалдык чыгымдар

Нарындагы мыйзамсыз курулган тосмолор буздурулууда

Нарын шаарынын Жаңы Жол чөлкөмүндө мыйзамсыз тосулуп алынган жер аянттарын кайтарып алуу максатында дубал тосмолор жана сарайлар бузулууда. Нарын шаардык мэриясынын маалымат кызматынын айтымына караганда, “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо” жөнүндөгү президенттин 109 -Жарлыгынын алкагында мыйзамсыз курулуштарды аныктоо, бузуу боюнча жарандарга билдирүүлөр да

Кыргызстан менен Пакистан соода-экономикалык долбоорлорду ишке ашырат

Инвестициялар боюнча улуттук агенттиктин башчысы Равшанбек Сабиров Пакистандын Лахор шаарындагы Кыргызстандын ардактуу консулу менен жолугушту. Аталган мекеменин маалыматына ылайык, жолугушууда Кыргызстан менен Пакистандын ортосундагы инвестициялык жана соода-экономикалык кызматташуунун келечектүү багыттары талкууланды. Пакистан тарап Кыргызстандын инвестициялык мүмкүнчүлүктөрү, артыкчылыктуу тармактары жана инвесторлор үчүн каралган мамлекеттик колдоо чаралары менен таанышты. Равшанбек Сабир

“Кыргыз Петролеум Компаниясын” жаңылоого 409,9 млн доллар каралган

Министрлер Кабинетинин төрагасынын орун басары Эрлист Акунбеков Жалал-Абад облусуна болгон жумуш сапарынын алкагында Манас шаарында өлкөдөгү күйүүчү-майлоочу май маселелерине байланыштуу тиешелүү мамлекеттик органдардын жетекчилеринин жана мунай менен иш алып барган бир катар жеке компаниялардын жетекчилеринин катышуусунда жыйын өткөрдү. Президенттик админстрациянын маалыматтык саясат бөлүмүнүн маалыматына ылайык, отурумда негизинен “Кыргызнефтегаз”