Бишкектеги Орозо айт майрамына карата айт намазына 30 миңден ашуун адам чогулду
Эртең менен эрте эле борбордук аянтка шаардын ар тарабынан адамдар агыла баштады. Таң атканга чейин эле мейкиндик толо баштап, жарандар үй-бүлөлөрү менен, колдоруна жайнамаздарын кармап келишип, сап-сап болуп тизиле башташты.
Намаз башталганга карата аянт дээрлик толуп калды. Ишенгендер борбордук бөлүктү гана эмес, ага чектеш көчөлөрдү да ээлеп, ийин тирешип турушту. Элдин көптүгүнө карабастан, абал тынч жана тартиптүү бойдон сакталды.
Жамаат менен кошо намазга Садыр Жапаров да катышты. Намаздын алгачкы сөздөрү айтылганда аянтта тынчтык өкүм сүрдү. Калың элдин ичинде да тартип сакталды — катышуучулар саптарды так карманышты.
Аянттын айланасында милиция кызматкерлери жана медицина кызматкерлери нөөмөттө турушту. Коомдук тартип күчөтүлгөн режимде көзөмөлдөндү, бирок кийлигишүүгө муктаждык болгон жок — иш-чара тынч өттү.
Намаз аяктагандан кийин аянт жанданып, адамдар бири-бирин Орозо айт майрамы менен куттуктап, жылуу каалоо-тилектерди айтып, акырындап үйлөрүнө тарай башташты.
Орозо айт намазы Бишкекте жыл сайын миңдеген адамдарды чогултуп, өлкөдөгү эң ири жана маанилүү диний иш-чаралардын бири болуп саналат.
