Чүйдө ичүүчү суу кызматтарынын тарифтери кайра каралды

Кыргыз Республикасынын мыйзамдарына жана Министрлер Кабинетинин тиешелүү токтомуна ылайык, Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү тарабынан ОсОО "Маркетинг Сервис" ишканасы көрсөткөн кызматтардын тарифтери каралды.

Монополияга каршы жөнгө салуу кызматынын маалыматына ылайык, борборлоштурулган ичүүчү суу менен камсыздоо жана саркынды сууларды агызуу кызматтары боюнча эсептик материалдар талданып, ишкананын тарифтеринин прейскуранты карап чыгылды.

Жыйынтыгында, аталган кызматтардын тарифтерин макулдашуу боюнча тиешелүү иштер жүргүзүлдү.

Ошондой эле бөлүм бул багыттагы ишмердүүлүктү мындан ары өнүктүрүү жана башка суу менен камсыздоо ишканаларында да ишти күчөтүүнүн маанилүүлүгүн белгиледи.