Жалал-Абаддагы алмашуу бюросуна 55 миң сом айып пул салынды

Жалал-Абад облусунда жайгашкан бир валюта алмашуу бюросуна мыйзам талаптарын бузгандыгы үчүн айып пул салынды. Бул тууралуу Улуттук банк маалымдады.

Билдирүүгө ылайык, алмашуу бюросу Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол берген.

Улуттук банк тарабынан мыйзам бузууларга байланыштуу тиешелүү чаралар көрүлүп, алмашуу бюросуна 55 миң сом айып пул салуу чечими кабыл алынган.