УКМК жасалма акчаны тараткан кылмыштуу топту аныктады
УКМК жасалма акча даярдоо жана аны таратуу менен алектенген трансулуттук кылмыштуу топтун ишмердүүлүгүнө байланыштуу жаңы фактылар аныкталганын билдирди.
Тергөөнүн жүрүшүндө кармалгандар жогорку сапаттагы жасалма акчаларды уюлдук телефондорду сатып алуу үчүн колдонушканы белгилүү болгон. Андан кийин бул телефондор Ош шаарында жана Өзбекстанда кайра сатылып, жасалма акчаларды мыйзамдаштырууга жана нак акчага айлантууга мүмкүнчүлүк түзүлгөн.
Мындан тышкары, жасалма акчаларды төмөндөтүлгөн курс менен чыныгы акчага алмаштыруу фактылары да аныкталган. УКМКнын маалыматы боюнча, бул туруктуу сатуу жана конвертациялоо каналдары бар экенин көрсөтөт.
Тергөө алкагында кылмышка тиешеси бар экенин тастыктаган кошумча далилдер алынган.
Кылмыш иши уюшкан топтун курамында акча жасалмалоо беренеси боюнча тергелүүдө. Бардык катышуучуларды, ошондой эле жасалма акчаларды даярдоо жана таратуу каналдарын аныктоо боюнча иштер жүргүзүлүп жатат.
