Кыргызстанда такси кызматын лицензиялоо 1-июнда аяктайт, оң рулдуу унааларга лицензия берилбейт
Кыргызстанда такси кызматын лицензиялоо мөөнөтү 2026-жылдын 1-июнунда аяктайт. ЖКтин Өнөр-жай саясаты, транспорт, отун-энергетикалык комплекс, архитектура жана курулуш комитети тарабынан транспорттук такси кызматтарды көрсөтүүчү уюмдар тарабынан КРнын автомобиль, транспорт жөнүндө мыйзам талаптарынын аткарылышы тууралуу маалымат угузулду.
КРнын Ички иштер министринин орун басары Октябрь Урмамбетов баяндама жасап, женил автоунаа менен жүргүнчүлөрдү ташуу ишмердигин лицензиялоо маселеси улам кийинкиге жылдырылып олтуруп, 2026-жылдын 1-июнуна чейин созулгандыгын билдирди. Анын айтымында, азыркы тапта лицензиялоо иши активдүү жүргүзүлүүдө.
Автоматташрытылган маалымат системасы аркылуу такси кызматы менен алектенген юридикалык жактарга 410 лицензия берилди жана жеке жактарга 15 миң лицензия берилди. Мындан сурткары 635 арыз каралып жатат. Ошону менен бирге 2026-жылдын 3 ай аралыгында автобус жана бус менен маршруттук такси кылган жеке жактарга 2061 жана юридикалык жактарга 20 лицензия берилди - деп билдирди Октябрь Урмамбетов.
ИИМ өкүлүнүн айтымында, такси кызматына лицензия берүү ишин жеңилдетүү максатында, Кабмин тарабынан токтом киргизилип, бир катар маалым каттарды алып салуу, ошондой эле онлайн лицензия берүү мүмкунчүлүгү каралууда.
Билдирүүгө караганда, лицензиянын наркы бир жылга 500 сомду түзөт. Аны алуу үчүн өлкө боюнча 78 атайын пункт иштеп жатат. Мындан сырткары, бир унаага эки айдоочуну каттоого уруксат берилет, ал эми оң рулдуу автоунааларга лицензия берилбейт.
Тартип сакчыларынын маалыматына ылайык, оң рулдуу автоунаалар катышкан жол кырсыктары олуттуу жоготууларга алып келүүдө.
Былтыр мындай кырсыктардан 160 адам каза болсо, быйылкы жылдын үч айында эле 27 адам көз жумган. Ушундан улам жарандардын коопсуздугун камсыз кылуу максатында оң рулдуу автоунаалар менен жүргүнчү ташууга мыйзам тарабынан тыюу салынаары белгиленди.
