Бишкекте шаар күнүнө карата фонтандар ишке киргизилет
Бишкекте шаар күнүнө карата фонтандар ишке киргизилет. 29-апрелде борбор калаанын негизги фонтан комплекстери расмий түрдө иштей баштайт. Бул тууралуу муниципалитеттен билдиришти.
Учурда “Тазалык” муниципалдык ишканасы фонтандарды ишке киргизүүгө даярдык көрүүдө. Анын алкагында техникалык жабдуулар текшерилип, фонтан табактары тазаланып, системалар суу менен толтурулуп жатат.
Шаар күнүнөн тарта Бишкектин тургундары жана коноктору төмөнкү фонтан комплекстерине кайрадан суктана алышат:
— Ала-Тоо аянтындагы фонтан;
— Бишкек шаарынын мэриясынын алдындагы фонтан;
— Жогорку Кеңештин имаратынын алдындагы фонтан;
— Ататүрк паркындагы фонтан;
— “Революция күрөшчүлөрүнүн” фонтаны;
— Токтогул көчөсүндөгү фонтан.
Муниципалдык ишкана шаар инфраструктурасын жакшыртуу жана жашоочулар менен коноктор үчүн ыңгайлуу шарттарды түзүү багытында иштерди улантууда.
