Кыргыз спортчулары VI Азиянын пляждык оюндарына катышты
Кече Кытайдын Санья шаарында өтүп жаткан VI Азия пляждык оюндары жыйынтыкталды. Ага КРнын спортчулары дагы катышкандыгын Дене тарбия жана спорт мамлекеттик агенттигинен маалымдашты.
Билдирүүгө караганда, пляждык оюндарга бул жылы 45 өлкөнүн спортсмендери катышып, 14 оюндун түрү боюнча мелдештер өткөн. Кыргызстандын атынан жалпы 40 спортсмен спорттун 9 түрүнөн ат салышкан. Анын жыйынтыгы тууралуу агенттик маалымат берген жок, бирок буга чейин Адис Рахат уулу пляждык күрөш боюнча коло медаль утуп алганы тууралуу кабарланган.
Маалыматка ылайык, салтанаттуу жабылуу аземи жергиликтүү убакыт боюнча кече саат 20:00до башталып, концерттик шоу-программа жана кийинки жылы өткөрө турчу өлкөгө желек тапшыруу аземи менен аяктады.
Кийинки Азия оюндары Филиппин өлкөсүндө өтөөрү белгилүү болду.
