Манас шаарында бетон өндүрүүчү жана таш майдалоочу завод ишке кирет
Манас шаарынын мэри Абдупата Маткаликовдун колдоосу менен инвесторлордун мыйзамдуу иш алып баруусуна шарттар түзүлүүдө. Бул аракеттер Манас шаарына инвесторлорду тартуу жана ишкердик чөйрөнү өнүктүрүү максатын көздөйт. Бул тууралуу аталган шаардык мэриянын басма сөз кызматынан билдиришти.
Маалыматка таянсак, жалпы көлөмү 7,5 миллион долларды түзгөн инвестициянын негизинде Манас шаарында бетон өндүрүүчү жана таш майдалоочу ири завод ишке кирүү алдында турат.
Завод ишке киргенден кийин таштарды майдалап, аларды 5 фракцияга бөлүп сорттоо мүмкүнчүлүгүнө ээ болот. Өндүрүштөн чыккан материалдар жол курулушунда, темир жол жана тоннель курууда кеңири пайдаланылат.
Ишкана заманбап жабдуулар менен толук камсыздалып, ишке кирсе 100дөн ашуун жергиликтүү тургунду туруктуу жумуш орундары менен камсыз кылат.
